Presidenti “zmbrapset” para Kurtit, i arsyeton refuzimin dhe nuk i përmend asnjë nen të Kushtetutës

13:51 | 30 Dhjetor 2019
arbresh.info

Presidenti i vendit, Hashim Thaçi, sot ia ka dërguar edhe një letër kryetarit të Lëvizjes Vetëvendosje, Albin Kurtit, por kësaj radhe nuk i ka përmendur asnjë nen të Kushtetutës.

Kurti ishte “tallur” me nenet e përmendura në letrat e mëparshme duke theksuar në përgjigjen e tij refuzuese se “ndërkoh po i shqyrtoj nenet që i keni përmendur në dy letrat tuaja”.

Presidenti Thaçi e ka falënderuar Kurtin për përgjigjen zyrtare dhe duke mirëkuptuar pamundësinë e pjesëmarrjes së tij në dy takimet e së premtes, e ka ftuar atë sërish për takim nesër më 31 dhjetor, në orën 10:00, raporton arbresh.info.

Në letrën e tij të tretë, Presidenti i vendit ka thënë se me qëllim të funksionalizimit sa më të shpejtë të institucioneve të Republikës së Kosovës, do t’i ndërmarrë të gjithë hapat e përcaktuar në Kushtetutë.

Kjo është letra e tretë e presidentit Thaçi dërguar kryetarit të Vetëvendosjes:

Shpërndaje në rrjete sociale

Lajmet më të lexuara

Të ngjashme

Foto lajm